وجهة نظر فنية لمباراة الأهلى وغزل المحله وقراءة للقادم 

١- الحمد لله على الفوز وأستمرار الانتصارات وصدارة الدورى

٢- سعيد جداً بتألق محمد شريف

وكتبت الموسم الماضى أنه يستحق الرجوع بعد انتهاء الإعارة لأنه لاعب طموح وعنده إصرار وعزيمة وتحدى مع نفسه بجانب أنه فنيا

من افضل اللاعبين فى استغلال الفرص

وبالذات فى الانفردات

وكمان يجيد التحرك فى كل المساحات الهجومية المؤثرة

لاعب مهم ومع الاهلى هيكون أفضل

أهم حاجة الالتزام والانضباط والتركيز والجاهزية الفنية والبدنية والذهنية والحفاظ على نفسه

٣- مهم جداً استمرار تهديف كهربا

كهربا لاعب مميز ومع المباريات هيرجع كهربا بتاع زمان وهو قرب اوى أنه يرجع للفورمة المعروفة عنه

لكن مطلوب منه التركيز والهدوء وعدم الاستعجال

٤- بدر بانون وأيمن اشرف

واضح جداً دورهم المهم فى بناء الهجمات

وهدوء الاتنين فارق اوى مع الاهلى

وبالنسبة لبانون مع المباريات هيكون عندنا مدافع كواليتي عالى اوى

ومرة أخرى ايمن اشرف صاحب المستوى الثابت رغم أنه مش مدافع مساك لكن لاعب مجتهد جداً ويستحق الإشادة به

٥- صلاح محسن لازم تثبت انك تستحق الرجوع من الإعارة عايزين منك الكثير والكثير

امكانياتك الفنية عالية اوى

لازم تثبت للجميع انك تستحق التواجد فى صفوف الاهلى

٦- ابتسامة ياسر ابراهيم وهو نازل فى اخر المباراة

تدل أن الروح جميلة بين اللاعبين

وواضح التعامل النفسى الجيد مع كل اللاعبين

وبالذات مع البدلاء

٧- ميزة الاهلى أصبح عنده لاعيبة كورة كتير وفى كل الخطوط ولسه مع عودة الغيابات واستكمال باقى التدعيم فى الميركاتو القادم هيكون شكل الاهلى مميز جدا وهيكون كل المراكز فيها أكثر من لاعب مميز

وكمان كل اللعب لمسة ولعبة وتحرك بدون كرة

الحقيقة فى شغل كتير واضح للجهاز الفنى

٨- احمد ياسر ريان

مع المباريات هيكون له دور مؤثر جدا فى المرحلة القادمة

٩- قفشة لاعب مهم جداً ومميز

أتمنى تلعب السهل

لما بتلعب السهل بتكون مؤثر جدا

١٠- ناصر ماهر

ربنا يشفيه مؤكد مع رجوعه من الإصابة

هيكون منافس قوى لقفشة

١١- معلول كالعادة متألق ومبدع ومؤثر

١٢- محمد هانى رغم أنه كان متألق فى بعض المباريات لكن تذبذب المستوى يؤكد أن الاهلى لازم يكون عنده باك يمين منافس لمحمد هانى

لازم محمد هانى يشعر بوجود باك يمين قوى وكل ده فى صالح الاهلى

على الاقل لازم مع بداية الموسم القادم باك يمين قوى حتى نطمئن على مركز الباك اليمين

١٣- استمرار إعارة كل لاعب مميز ليس له فرصة التواجد كلاعب فى صفوف الاهلى

سيعود بالنفع على النادى الأهلى

فنيا

الاهلى على الطريق الصحيح

مع تدعيم بسيط بشكل عاجل فى الميركاتو القادم

واستكمال باقى التدعيم فى الموسم القادم

هيكون عند الاهلى فريق قادر على استمرار حصد البطولات

بأذن الله

القادم افضل والأهلى فوق الجميع